Description

Astadasa Puranalu book in telugu

అష్టాదశ పురాణాలు Astadasa Puranalu book

అష్టాదశ పురాణాలను కృష్ణద్వైపాయనుడైన వ్యాసమహర్షి రచించాడని, రచించిన తాను వక్తగా కాకుండా ఆ విషయాలను ఒకప్పుడు నైమిశారణ్యంలో శౌనకుడు మొదలైన మహా మునులు దీర్ఘ సత్రయాగం చేస్తున్నప్పుడు, వారికి వ్యాసుని శిష్యుడైన రోమహర్షణుడుకుమారుడైన సూత మహర్షి ద్వారా చెప్పించాడని పురాణాలే చెబుతున్నాయి. ఈ పురాణాలు మధ్య యుగం లో జరిగిన శైవ, వైష్ణవ ఘర్షణల వలన పరివర్తన చెందాయి అనే వాదన కూడా లేక పోలేదు. కొన్ని శ్లోకాల రచన శైలి వ్యాస మహర్షి రచన శైలిని గమనిస్తే ఆ విషయం అవగతం అవుతుంది.

పురాణాల పేర్లు చెప్పే శ్లోకం

సత్రయాగం జరుగుచున్నప్పుడు అష్టాదశపురాణాలను తెలుపుతూ సూతుడు ఋషులకు చెప్పిన శ్లోకం. భాగవత పురాణము ప్రధమ స్కందము లో చెప్పబడింది.

మద్వయం భద్వయం చైవ బ్రత్రయం వచతుష్టయం
అనాపద్లింగకూస్కాని పురాణాని పృథక్ పృథక్

పైన చెప్పిన వాటిలో:

• “మ” ద్వయం — మత్స్య పురాణం, మార్కండేయ పురాణం
• “భ” ద్వయం — భాగవత పురాణం, భవిష్య పురాణం
• “బ్ర” త్రయం — బ్రహ్మ పురాణం, బ్రహ్మ వైవర్త పురాణం, బ్రహ్మాండ పురాణం
• “వ” చతుష్టయం — విష్ణు పురాణం, వరాహ పురాణం, వామన పురాణం, వాయు పురాణం

మిగిలిన వాటి పేర్ల మొదటి అక్షరాలు మాత్రమే తీసుకుని శ్లోకపాదం కూర్చటం జరిగింది:

• అ — అగ్ని పురాణం
• నా — నారద పురాణం
• పద్ — పద్మ పురాణం
• లిం — లింగ పురాణం
• గ — గరుడ పురాణం
• కూ — కూర్మ పురాణం
• స్కా — స్కాంద పురాణం

అష్టాదశ పురాణాలు 

Book Name	Author	Pages	Price
Garuda Puranam గరుడ పురాణం	Dr. Yallayi Narayana Rao Dr. యల్లాయి నారాయణ రావు	776	₹600
Sri Bhavishya Mahapuranamu శ్రీ భవిష్య మహాపురాణము			₹540
Sri Narada Bha Bhagatham నారద మహాపురాణం	Avancha Satyanarayana అవాంఛ సత్యనారాయణ	795	₹549
Sri Vishnu Mahapuranam Vachanam శ్రీ విష్ణు మహాపురాణం (వచనం)	Avancha Satyanarayana అవాంఛ సత్యనారాయణ	504	₹250
Sri Varaha Maha Puranam శ్రీ వరాహ మహాపురాణం	Avancha Satyanarayana అవాంఛ సత్యనారాయణ	664	₹750
Sri Padma Maha Puranamu-1 శ్రీ పద్మ మహాపురాణము-1	Granthi Latha గ్రంథి లత	608	₹500
Sri Padma Maha Puranamu – 2 శ్రీ పద్మ మహాపురాణము-1	Granthi Latha గ్రంథి లత	–	₹500
Sri Linga Mahapuranamu శ్రీ లింగ మహాపురాణము		710	₹500
Sri Markandeya Mahapuranam శ్రీ మార్కండేయ మహాపురాణం	Avancha Satyanarayana అవాంఛ సత్యనారాయణ	608	₹349
Sri Brahma Vaivarta Maha Puranam – Hard Cover – 2011 శ్రీ బ్రహ్మ వైవర్త మహా పురాణం	Avancha Satyanarayana అవాంఛ సత్యనారాయణ	1120	₹750
Sri Vayu Maha Puranam Hardcover – 2007 శ్రీ వాయు మహా పురాణం	Avancha Satyanarayana అవాంఛ సత్యనారాయణ	832	₹500
Sri Matsya Mahapuranam Hardcover – 2012 శ్రీ మత్స్య మహా పురాణం	Avancha Satyanarayana అవాంఛ సత్యనారాయణ	920	₹500
Sri Kurma Mahapuranam (Telugu) Hardcover – 2012 శ్రీ కుర్మా మహా పురాణం	Avancha Satyanarayana అవాంఛ సత్యనారాయణ	320	₹225
Sri Brahma Mahapuranam Hardcover – 2011 శ్రీ బ్రహ్మ మహా పురాణం	Avancha Satyanarayana అవాంఛ సత్యనారాయణ	456	₹300
Sri Vamana Mahapuranam Hardcover – 2012 శ్రీ వామన మహా పురాణం		352	₹600
Sri Skanda Maha Puranam Vol 1 (Telugu) Hardcover – 2014 శ్రీ స్కాంద మహా పురాణం-1	Avancha Satyanarayana అవాంఛ సత్యనారాయణ	1289	₹800
Sri Skanda Maha Puranam Vol 2 (Telugu) Hardcover – 2014 శ్రీ స్కాంద మహా పురాణం-2	Avancha Satyanarayana అవాంఛ సత్యనారాయణ	–	₹900
Sri Brahmanda Maha Puranam (Telugu) Hardcover – 2012 శ్రీ బ్రహ్మాండ మహా పురాణం		504	₹600
Sri Agni Maha Puranam (Telugu) Hardcover – 2014 శ్రీ అగ్ని మహా పురాణం	Avancha Satyanarayana అవాంఛ సత్యనారాయణ	936	₹599

#మత్స్య_జయంతి

శ్రీ మహావిష్ణువు ధర్మరక్షణ కోసం ధరించిన దశావతారాల్లో మొట్టమొదటిది మత్స్యావతారం. సృష్టి పరిణామ క్రమంలో మత్స్యావతారాన్ని జలావిర్భావానికి సంకేతంగా చెబుతారు. ప్రతి సంవత్సరం చైత్ర బహుళ పంచమినాడు ‘మత్స్యజయంతి’ జరుపుకొంటారు. సోమకుడు అనే రాక్షసుడు బ్రహ్మ నుంచి నాలుగు వేదాలూ ఎత్తుకుపోయి సముద్రంలో దాక్కున్నాడు. దాంతో బ్రహ్మ సృష్టికార్యానికి ఆటంకం ఏర్పడింది. బ్రహ్మ విష్ణువుతో మొరపెట్టుకున్నాడు. స్వామి మత్స్యరూపం ధరించి సముద్రంలోకి చొచ్చుకుపోయి సోమకాసురుణ్ని సంహరించి, తన నాలుగు చేతులతో నాలుగు వేదాలు తెచ్చి బ్రహ్మకు అందజేశాడు. ఇది సంక్షిప్తంగా మత్స్యావతార గాథ.

వరాహ కల్ప గాథ వేరొకటి మనకు పురాణాల్లో కనిపిస్తుంది. వైవస్వత మనువు ‘కృతమాలిక’ నదీ తీరంలో పితృదేవతలకు జలతర్పణం చేస్తుండగా ఒక చేపపిల్ల అతడి దోసిట్లో పడింది. అతడు కరుణించి, ఆ చేపపిల్లను తన కమండలంలో వేశాడు. మర్నాటికి ఆ చేపపిల్ల పెద్దదై తనకు ఈ కమండలం సరిపోలేదంది. మనువు దాన్ని తీసి ఒక చెరువులో విడిచాడు. ఆ చెరువు దానికి సరిపోలేదు. చేప రోజురోజుకూ పెద్దదైపోతుంటే రాజు దాన్ని సముద్రంలో విడిచాడు. మత్స్యం అంతలో రెండు లక్షల యోజనాల ప్రమాణానికి పెరిగిపోయింది. మనువు సంభ్రమాశ్చర్యాలకు లోనై ‘స్వామీ, నీవెవరు?’ అని అడిగాడు. అప్పుడు ఆ మీనం తన వైనం చెబుతుంది. ‘రాజా! నేను శ్రీమన్నారాయణుడిని. ఏడు రోజుల్లో ప్రళయం రానున్నది. సకల జీవకోటి నశిస్తుంది. ఇప్పుడు చాక్షుష మన్వంతరం నడుస్తున్నది. కాబట్టి వేదాలు, విద్యలు, బీజాలు, నేను, బ్రహ్మ… నీ రక్షణ పొందవలసి ఉంది. ఇక్కడ సప్త రుషులతో కూడిన ఓ నావ ఉంటుంది. నీటి మీద తేలుతూ అనంతుడనే సర్పం ఇక్కడికి చేరుతుంది. దాన్ని తాడు చేసి ఆ నావను నా కొమ్ముకు కట్టివెయ్యి!’

సత్యవ్రతుడైన మనువు విష్ణువు చెప్పినట్లే చేశాడు. అంతా సురక్షితులయ్యారు. అంతర్ధానమైన మత్స్యం అవతారమూర్తిగా ప్రశంసలందుకుంది. ఆ విధంగా వేదాలు శాశ్వతత్వాన్ని సంతరించుకుని మానవ మేధకు జ్ఞాన సుధలందిస్తున్నాయి.

దక్షిణావర్త శంఖవృత్తాంతం కూడా ఈ మత్స్యావతార గాథతో ముడివడిఉంది. మత్స్య రూపుడైన విష్ణువు సోమకాసురుడి కడుపు చీల్చి వేదాలను వెలుపలికి తీస్తున్న తరుణంలో పవిత్రమైన దక్షిణావర్త శంఖం వెలువడింది. స్వామి శంఖాన్ని తాను తీసుకుని, బ్రహ్మకు వేదాలు అప్పగించాడు. తమస్సు నుంచి వేదాలు వెలుగులోకి రావడంతో బ్రహ్మ సృష్టికార్యానికి కలిగిన ప్రతిబంధకం తొలగిపోయింది. బ్రహ్మ సహజ స్వరూపాన్ని పొందడమే వేదాలు మళ్ళీ మత్స్యావతారధారణతో లభ్యం కావడానికి గల తత్వార్థం. పరమాత్మ వల్ల సంప్రాప్తించిన ఆ వేదాలు మానవ కోటి ఆధ్యాత్మిక మహాభ్యుదయానికి వరప్రసాదాలు. మత్స్య జయంతి గురించిన వృత్తాంతం ధర్మ సింధువు, స్మృతికౌస్తుభం, ఆమాదేర్‌ జ్యోతిష గ్రంథాల్లో విపులంగా ఉంది.

క్రైస్తవుల్లో మత్స్యం శాంతి దేవతగా ఆరాధనలందుకుంటోంది. మహమ్మదీయులూ చేపను దైవంగా భావిస్తారు. బౌద్ధ జాతక కథల్లో బుద్ధుడు మీనంగా అవతారమెత్తిన కథా ఉంది. మన దేశంలో మత్స్యావతారానికి ఒకే ఒక దేవాలయం ఉంది. అది తిరుపతికి 70 కి.మీ. దూరంలో నాగలాపురం అనే గ్రామంలో ఉంది. ఈ ఆలయ అభివృద్ధికి శ్రీకృష్ణదేవరాయలు చాలా సహకరించినట్లు చరిత్ర చెబుతోంది. ఈ గుడిని వేదనారాయణస్వామి ఆలయం అని పిలుస్తారు. – చిమ్మపూడి శ్రీరామమూర్తి